အိုင်တီထဲက ကျန်းမာရေး.. (၁)
လူတို့နေ့စဉ်အသုံးပြုနေသည့် အသုံးအဆောင်များထဲတွင် နည်းပညာပစ္စည်းများမှာလည်း တစ်မျိုးမဟုတ်
တစ်မျိုးပါဝင်နေမည် သာဖြစ်သည်။ ဥပမာအားဖြင့် PC ကွန်ပြူတာ၊ လက်ပ်တော့၊
ဂိမ်းစက်၊ MP3, MP4, iPod စသဖြင့် အမျိုးအစား အစုံအလင်တို့ကို
တွေ့ရမည်ဖြစ်သည်။ ထိုနည်းပညာပစ္စည်းများထဲမှ တစ်ခုခုကို
လူတစ်ဦးတစ်ယောက်အနေဖြင့် မုချသုံးစွဲမည်သာ ဖြစ်သည်။
လူ့စွမ်းအားအရင်းအမြစ်ကို ထိထိရောက်ရောက် အသုံးချနေသည့် Konwledge ခေတ်တွင်
နည်းပညာသည် အရေးပါလာပြီး မည်သည့် လုပ်ငန်း၌မဆို အနည်းနဲ့အများ ကွန်ပြူတာ
အစရှိသော နည်ပညာပစ္စည်းများနှင့် ထိစပ်ပတ်သက်နေသည်ကိုတွေ့ရမည်ဖြစ်သည်။
ထိုနည်းပညာပစ္စည်းများအား အသုံးပြုသူများ တစ်နေ့တစ်ခြား
ပိုမိုများပြားလာမည်ဖြစ်ပြီး တစ်ဖက်တွင်လည်း
ကျန်းမာရေးလစ်ဟာ မှုများရှိလာမည်မှာ အသေအချာပင်ဖြစ်သည့်အတွက်
ကျန်းမာေးနှင့်ပတ်သက်၍ သတိပြုသင့်သည်များကို နားလည်တတ်ကျွမ်းသည့်
ဆရာဝန်ကြီးများနှင့် ပြင်ပမှ ပညာရှင်များ၊ အသုံးပြုသူများကို
မေးမြန်းတင်ဆက်လိုက်ပါသည်..။
ဒေါက်တာဦးစိုးသိန်း (အကြောအဆစ်နှင့် ပြန်လည်သန်စွမ်းရေး အထူးကု)
ကွန်ပြူတာတွေ ပေါ်ထွန်းလာပြီးနောက် အထူးသဖြင့်
ကွန်ပြူတာတွေအသုံးပြုမှုများတဲ့အတွက် ကျောရိုးများကြားရှိ အဆစ်များ
လွန်ကဲစွာ ၀န်ထုပ်ဝန်ပိုးဖြစ်ပြီး အဆစ်ထဲရှိ အရိုးနုများ ပျက်သုန်းတဲ့
အဆစ်ပြုန်းခြင်းရောဂါဟာ အရင်ကွန်ပြူတာတွေ မပေါ်ခင်ကထက်ပိုပြီး လူငယ်တွေမှာ
အဖြစ်များလာတာလေ့လာမှုအရ သိရပါတယ်.။ ကလေးတွေဆိုလည်း
ကွန်ပြူတာဂိမ်းကစားကြလွန်းလို့ လည်ပင်းဇက်ကြောနာရောဂါဖြစ်လာကြပါတယ်.။
ကွန်ပြူတာကြည့်တဲ့အချိန်မှာ လည်ပင်းကို ပုံမှန်အနေအထားအတိုင်းပဲရှိပါစေ။
ငုံမနေရ၊ မော့မနေရဘူး၊ ဘေးဘယ်ညာစောင်းမနေရဘူး၊ ပုံမမှန်တဲ့ အနေအထားမျိုးနဲ့
ကွန်ပြူတာအသုံးပြုမိတဲ့အခါမှာလည်း ရုတ်တရက် လည်ပင်းဇက်ကြောတက်ရောဂါဝေဒနာ
ခံစားရတတ်တယ်။ ရုတ်တရက်နာကျင်မှုအတွက် ရေခဲကပ်ပေးနိုင်တယ်။
လည်ပင်းကော်လာကို တစ်နေ့ သုံးနာရီ လိုအပ်တဲ့အချိန်မှာတပ်ပြီး နှစ်ပတ်၊
သုံးပတ်ထက် ပိုမတပ်သင့်ပါဘူး.။ လည်ပင်းကိုစနစ်တကျ
နှိပ်နှယ်ပေးခြင်းမျိုးကိုလည်း ခံယူသင့်ပါတယ်.။ ဝေဒနာရှင်မခံနိုငလောက်တဲ့
အကြောပြင်ခြင်း၊ နှိပ်နယ်ခြင်းမျိုးကို မပြုလုပ်သင့်ပါဘူး..။ နောက်ပြီး
ကွန်ပြူတာ အသုံးပြုတဲ့အခါ ခေါင်းကို အရမ်းမငုံ့ဘဲ
ပုံမှန်အနေအထားအတိုင်းထားပြီး အလုပ်လုပ်ရမှာဖြစ်ပါတယ်။ ခါးကိုလည်း
ကွေးထိုင်တာ၊ ကုန်းထိုင်တာ၊ အောက်ဘက်လျှောချပြီးထိုင်တာမျိုးရှောင်ပါ။
ခါးကိုခပ်မတ်မတ်အနေအထားနဲ့ ကျောနဲ့တင်ပါးဟာ ထိုင်ခုံရဲ့နောက်မှီ
အောက်ခံတို့နဲ့ထိပြီး ထိုင်ရမယ်။ ခြေထောက်ကိုလည်း အောက်ကြမ်းပြင်နဲ့ထိပြီး
သက်တောင့်သက်သာ အနေအထားမျိုးဖြစ်ဖို့လိုအပ်ပါတယ်..။
ဦးမျိုးထွန်း (Training Manager KMD Computer)
ကွန်ပြူတာအသုံးပြုမယ်ဆိုရင် အကောင်းဆုံးက နှစ်နာရီတစ်ကြိမ် အနားပေးပြီး
ပြန်အသုံးပြုသင့်ပါတယ်.။ ကွန်ပြူတာကို ကိုင်တဲ့သူတွေဆိုတဲ့နေရာမှာ
ပရိုဂရမ်မာတို့၊ ဂရပ်ဖစ်ဒီဇိုင်နာတွေ၊ ဗီဒီယို အက်ဒစ်တင်းလုပ်တဲ့သူတွေက
သူတို့လိုချင်တာကို မရမချင်း သဲမဲပြီးလုပ်နေတော့ တခြားဘာမှ
အာရုံမ၀င်စားနိုင်တော့ဘူး.။ အကျိုးဆက်က ကျန်းမာရေးထိခိုက်လာတယ်။ နံပါတ် ၁)
မျက်စိ ၂)အစားလွန်လာမယ်။ အစာအိမ်ထိမယ်။ မာဆယ်ပိုင်းက
ပိုဆစ်ရှင်နဲ့ဆိုင်တယ်.။ ကွန်ပြူတာတင်တဲ့ စားပွဲ၊ ထိုင်ခုံ အနေအထားမမှန်ရင်
ညောင်းတာသိသာတယ်.။ ကွန်ပြူတာသုံးတဲ့သူတွေအနေနဲ့ ကွန်ပြူတာတင်တဲ့ စားပွဲ၊
ကီးဘုတ်တင်တဲ့နေရာ Position မှန်ဖို့အရေးကြီးတယ်။ ကီးဘုတ်ကို
စားပွဲစွန်းမှာ မထားဘဲ လက်ဖနောင့် ချစရာ ချန်ထားရင် မညောင်းတော့ဘူး.။
စာရိုက်ရင် စားပွဲစွန်းကို လက်ဖနောင့်က တွန်ပြီးရိုက်ရင် လက်က
ကြွက်သားတွေမှာ ဒဏ်ဖြစ်လာမယ်။ နောက်ကျောရိုးနာလာမယ်။ ကျောမှာ အခွက်ပါတဲ့
ဆုံလည်နဲ့ဆိုရင် အကောင်းဆုံးပဲ။ ဆံလည်ခုံဆိုတာ အသေငြိမ်နေတာ မဟုတ်ဘဲ
လှုပ်မိစောင်းမိတဲ့အခါ အာရုံပြောင်းသွားမယ်၊ ကိုယ်အနေအထားလည်း
နည်းနည်းပြောင်းဖြစ်မယ်ပေါ့။ ထိုင်တဲ့ position မမှန်ရင် မျက်စိထိမယ်။
ခါးနာမယ်။ ဇက်ကြောတက်မယ်။ မျက်စိနဲ့မော်နီတာ အကွာအဝေးကလည်း အရေးကြီးပါတယ်။
ဒါပေမယ့် လက်တွေ့မှာ တကယ် မသုံးဖြစ်ဘူး.။ အလုပ်ဇောကပ်နေတဲ့အချိန်၊
ဂိမ်းဆော့တယ်ဆိုလည်း အရမ်းအာရုံဝင်စားနေချိန်တွေမှာ ဒါတွေကို
တကယ်မလိုက်နာနိုင်ကြတော့ဘူး။ ဦးနှောက်နဲ့ အာရုံကြောကိုလည်း
ထိခိုက်နိုင်ပါတယ်။ ဒါပေမယ့် ချက်ချင်းတော့မဟုတ်ဘူး။ အကျိူးဆက်ထဲမှာတော့
ပါတယ်။ ကျွန်တော့်အတွေ့အကြုံအရဆိုရင် မျက်စိ၊ အစာအိမ်နဲ့ ကြွက်သားတွေ
ကိုက်လာတာမျိုးတွေ ချက်ချင်းသိသိသာသာဖြစ်လာကြတယ်။ ကွန်ပြူတာသုံးနေတဲ့
ကျွန်တော့်မိတ်ဆွေတစ်ယောက်ဆို ခေါင်းငုံ့လို့ မရတော့ဘူး။ ကျန်းမာရေး
ရှုထောင့်ကနေ ကွန်ပြူတာ အသုံးပြုတဲ့သူတွေကို ဒါတွေဖြစ်နိုင်တယ်.။
ဘယ်လိုအသုံးပြုသင့်တယ်ဆိုတာမျိုးပြောပြပေးသင့်ပါတယ်။
ပြောပြပေးလိုက်တဲ့အတွက် အနည်းနဲ့ အများ သတိထားမိလာမယ်။ ဆင်ခြင်လာမယ်။
ကျွန်တော်တို့ဆီမှာဆို ဒီစင်တာကိုလာမှ ဒါတွေပြောပြနိုင်မယ်။ အိုင်တီသမားက
ဒီတစ်နေရာတည်း ရှိတာမဟုတ်ဘူး။ စာနယ်ဇင်းတွေကနေ ဒီလိုအသိပေးတော့
ကျယ်ကျယ်ပြန့်ပြန့် ပိုထိရောက်တာပေါ့.။ ကိုယ့်ရဲ့ အသက်မွေးမှုက ဒါလို့
သတ်မှတ်ထားရင် ဆောင်သင့် ရှောင်သင့်တာတွေကို သိထားတာ အကြောင်းဆုံးပါပဲ..။
ဒေါက်တာ ခင်သက်ဝါ (GP)
နည်းပညာပစ္စည်းတွေမှာ အကောင်းအဆိုးတွေရှိပါတယ်။ တကယ်တော့
စပြီးတီထွင်ကြကတည်းက ကောင်းဖို့အတွက် အကျိုးရှိတဲ့ နည်းစနစ်တွေ ပညာရပ်တွေ၊
ပညာရပ်တွေ အဖြစ် လူသားတွေ တိုးတက်ဖို့ ရည်ရွယ်ကြတာပဲ။ အခုအင်တာနက်တွေ၊
တီဗီဂိမ်းတွေ ပေါ်လာတာကောင်းပါတယ်။ အခုခေတ်ကလေးတွေက အရမ်းထက်ကြတယ်လေ.။
ဒီလိုနည်းပညာတွေနဲ့ မပြတ်ထိတွေ့နေရတဲ့အခါ သူတို့ဦးနှောက်က အမြဲသွေးနေသလို
စြဖ်တယ်။ တစ်မျိုးပြီးတစ်မျိုး ပေါ်နေတဲ့ ဂိမ်းတွေကလည်း တော်ရုံလူက Level
တစ်ခုပြီးအောင် မဆော့နိုင်ဘူး။ ဒါကို ကလေးတွေ ဆော့နိုင်တာကောင်းပါတယ်။
ဂိမ်းဆော့တဲ့ အချိန်မှာ သူတို့ရဲ့ ဖြတ်ထိုးဥာဏ်၊ လျင်မြန်မှု၊
စီစဉ်ညွှန်ကြားမှုတွေ လုပ်နေရပါတယ်။ နောက်တစ်ခုက နိုင်ချင်တဲ့အတွက်
နည်းလမ်းလေးတွေ ရှာကြံတတ်ကြတယ်။ ဒီနိုင်ချင်တဲ့စိတ်က သူတို့ဘ၀မှာ
အောင်မြင်မှုရတတ်တယ်။ ဒါကောင်းတဲ့အပိုင်းပေါ့။ အဆိုးဘက်ကဆိုရင်
ဖြစ်လာနိုင်စရာတွေထဲက ကျွန်မအစိုးရိမ်ဆုံးက အထူးသဖြင့် မိန်းကလေးတွေပေါ့.။
အင်တာနက်သုံးတဲ့အခါ လူကြီးတွေက တစ်ချိန်လုံးထိုင်ကြည့်နေနိုင်တာ မဟုတ်ဘူး။
လူကြီးတွေ မျက်ကွယ်မှာ မဟုတ်တဲ့ ညစ်ညမ်းတဲ့ ၀က်ဘ်ဆိုက်ဒ်တွေ
ကြည့်မိမြင်မိတဲ့အခါ အရွယ်မတိုင်သေးဘဲ ဒါကို စူးစမ်းလေ့လာချင်တဲ့စိတ်၊
လက်တည့်စမ်းလိုစိတ်နဲ့ အတုယူမှားတွေ ၀င်သွားတဲ့အခါ မလိုလားအပ်တဲ့
ကိစ္စတွေပေါ်လာမယ်။ ကိုယ့်ကိုယ်ကို save ဖြစ်အောင် မကာကွယ်နိုင်ကြသေးဘူး။
ဒါကို အရမ်းစိုးရိမ်ပါတယ်။
နောက်တစ်ခုက ကလေးတွေကို အနည်းဆုံး အသက်ငါးနှစ်မှသာလျှင်
ကွန်ပြူတာပေးသုံးသင့်ပါတယ်။ သုံးနှစ်ဆိုတာက သူတို့ ဦးနှောက်တွေ
မျက်စိလေးတွေက သိပ်မဖွံ့ဖြိုးသေးဘူး။ ငါးနှစ်ဆိုရင် ကီးဘုတ်လက်ကွက်
အနေအထားအရလည်း အနေတော်ဖြစ်နေပြီလေ။
ကိုစည်သူဝင်း (Brand Design & Advertising Manager) Myanmar Belle Co., Ltd
အင်တာနက်သုံးစွဲခြင်းကြောင့် ကျန်းမာရေးအနေနဲ့
ကြီးကြီးမားမားဆိုးကျိုးတွေတော့ ဖြစ်မလာနိုင်ဘူးလို့ ကျွန်တော်ထင်ပါတယ်။
ဒါပေမယ့် တစ်ခုရှိတာက ဘယ်အရာမဆို အတိုင်းအတာ တစ်ခုအထိပဲ သင့်တော်ပါတယ်။
အဲဒီသင့်တော်တဲ့ အတိုင်းအတာကို ကျော်လွန်ပြီးတော့ ပြုလုပ်မိပြီဆိုရင်
ဆိုးကျိုးတွေ ခံစားရမှာဖြစ်ပါတယ်။ အသုံးပြုတဲ့သူတွေက သာမန်ထက် ပိုပြီး
အင်တာနက်သုံးစွဲခြင်းကြောင့် မလိုလားအပ်တဲ့ လူမှုရေးပြဿနာတွေရော၊
ကျန်းမာရေးနဲ့ ပတ်သက်ပြီးဖြစ်ပေါ်လာနိုင်တဲ့ဘေးထွက်ဆိုးကျိုးတွေရှိပါတယ်။
တချို့မြင်ဖူးပါတယ်။ စားလည်း ကွန်ပြူတာရှေ့၊ အိပ်လည်း ကွန်ပြူတာရှေ့။
အဲဒီလိုမျိုးတော့ မကောင်းပါဘူး.။ ကျွန်တော်အင်တာနက်သုံးတတ်ခါစက
နေ့တိုင်းနီးပါး သုံးဖြစ်ပါတယ်။ MP4 လည်း နားထောင်ဖြစ်ပေမယ့်
ကြာကြာနားထောင်ရင် နားအူလာပါတယ်။ ဒါကြောင့်အကြာကြီး နားမထောင်ရဲပါဘူး။
နည်းပညာပစ္စည်းသုံးလို့ ကျန်းမာရေးထိခိုက်ရတာတော့ အခုထိမရှိသေးပါဘူး။
အလွန်အကျွံ မဟုတ်ရင် အန္တရာယ် မဖြစ်လောက်ဘူးလို့တော့ ထင်ပါတယ်။
ပတ္တမြားနီနီ (အယ်ဒီတာ, Family Health Journal)
အင်တာနက်ကို တစ်ခါတစ်လေ သုံးဖြစ်ပါတယ်။
အလုပ်နဲ့ပတ်သက်ပြီး အချက်အလက်ရှာတာမျိုး၊ Image ရှာတာမျိုးအတွက်သုံးပါတယ်။
နည်းပညာပိုင်းမှာ ကျန်းမာရေးရှုထောင့်ကနေ ပြောရရင် အချိန်အကြာကြီး
နားကြပ်တပ်ပြီး သီချင်းနားထောင်တာက နားစည်ကို ထိခိုက်နိုင်မယ်ထင်တယ်။
လမ်းလျှောက်ရင်း Mp4 နားထောင်တာ၊ ကားမောင်းရင်း လက်ကိုင်ဖုန်းပြောတာတွေက
အန္တရာယ်ဖြစ်စေနိုင်ပါတယ်။ နည်းပညာဆိုတာ လူသားတွေရဲ့
အသုံးချပစ္စည်းပဲဖြစ်သင့်ပါတယ်။ လူတွေ တီထွင်တဲ့ နည်းပညာပစ္စည်းတွေက လူတွေကို
ပြန်ပြီး ၀န်ပိ၊ ဒဏ်ပိစေတာမျိုးးကတော့ မဖြစ်သင့်ပါဘူးလေ။ လူသားအသိဥာဏ်နဲ့
ချင့်ချိန်ကိုင်တွယ် အသုံးချရမှာပဲ။ ပရိုဂရမ်ကို တစ်ညလုံး
ထိုင်ဆွဲနေတဲ့သူတွေ၊ ဂိမ်းကို ညလုံးပေါက်ထိုင်ဆော့နေတဲ့သူတွေ
ကျွန်မမြင်ဖူးတယ်။ Chatting ထိုင်ရင်း ရည်းစားဖြစ်သွားကြတဲ့သူတွေလည်း
မြင်ဖူးတယ်။ ဒါကျတော့ နည်းပညာကို အသုံးချတာမဟုတ်ဘဲ
အသုံးချခံရတာဖြစ်သွားပြီ။ ကျန်းမာရေး လစ်ဟာမှုတွေ၊ လူမှုရေးထိခိုက်မှုတွေ
ကြုံတွေ့လာနိုင်ပါတယ်။
ထိုကဲ့သို့ နည်းပညာပစ္စည်းများ အသုံးပြုမည်ဆိုပါက
အလွန်အကျွံအသုံး မပြုရန်နှင့် နည်းမှန်လမ်းမှန် အသုံးပြုရန်
လိုအပ်သည်ကိုတွေ့မြင်ရမည်ဖြစ်သည်။ မသုံးဘဲ မနေ၍ မရသည့်အတွက်
အသုံးပြုရသူဘက်မှ စနစ်တကျ အသုံးပြုပါက မည်သည့်အကျိုးဆက်မှ
ရရှိမည်းမဟုတ်နိုင်ကြောင်း သိနိုင်ပေသည်။
အိုင်တီထဲက ကျန်းမာရေး..
