နေ့စဉ် သင်စားနေတဲ့ အစားအသောက်တွေ ထဲမှာ ဟင်းသီးဟင်းရွက်နဲ့ သစ်သီးဝလံတွေ ကို မပါမဖြစ် စားသုံးပေးပါ။ ဒီလိုစားသုံးပေး ပါက ဗီတာမင်၊ သတ္တုဓာတ်၊ ဓာတ်တိုး ဆန့်ကျင်စေတဲ့ အင်တီအောက်ဆီးဒင့်တွေနဲ့ အမျှင်ဓာတ်တွေကို လူတို့တီထွင် ဖန်တီးမှုတွေ မပါဘဲ သဘာဝအတိုင်း ရရှိတာကြောင့် သင့်ခန္ဓာကိုယ်မှာ ကူးစက် မဟုတ်ဘဲ ရောဂါတွေ စွဲကပ်ခြင်းကနေ ကင်းဝေးစေနိုင်ပါတယ်။နှလုံးရောဂါ
အမေရိကန်၊ အင်္ဂလန်နဲ့ နယ်သာလန်တို့မှာ ပြုလုပ်တဲ့ သုတေသနတွေအရ ဟင်းသီးဟင်းရွက်နဲ့ သစ်သီးစားသုံးတာဟာ နှလုံးရောဂါကို ကာကွယ်တားဆီးနိုင်တဲ့ တစ်ခုတည်းသော နည်းလမ်းလို့ ဆိုထားပါတယ်။ နှလုံးသွေးကြောကျဉ်းရောဂါ ရှိသူတွေတောင် လေ့ကျင့်ခန်းပုံမှန်လုပ်မယ်၊ အဆီမပါတဲ့ အစားအစာတွေစားမယ်၊ ဟင်းသီးဟင်းရွက်နဲ့ သစ်သီးတွေကို စားသုံးပေးမယ်ဆိုရင် နှလုံးသွေးကြောပိတ်နိုင်ခြေကို လျှော့ချနိုင်ပါတယ်။
ကင်ဆာရောဂါ
ကမ္ဘာ့ကင်ဆာ သုတေသနရန်ပုံငွေအဖွဲ့နဲ့ အမေရိကန်တက္ကသိုလ် ကင်ဆာသုတေသန အဖွဲ့တို့ သုတေသနပြု ထုတ်ပြန်ခဲ့ရာမှာ စားသောက်တဲ့ အစားအစာတွေထဲမှာ ဟင်းသီးဟင်းရွက်နဲ့ သစ်သီးစားသုံးတာဟာ ကင်ဆာဖြစ်နိုင်ခြေ ၂၀ ရာခိုင်နှုန်း လျှော့ချနိုင်တယ်လို့ ဆိုထားပါတယ်။ အစာအိမ်နဲ့ အူလမ်းကြောင်းတစ်လျှောက်ဖြစ်တဲ့ ပါးစပ်၊ လည်ချောင်း၊ အစာရေမျိုပြွန်၊ အစာအိမ်၊ အူမကြီးနဲ့ အစာဟောင်းအိမ်တို့ရဲ့ ကင်ဆာဖြစ်နှုန်းကို သိသိသာသာ လျော့နည်းသွားစေပါတယ်။ ဟင်းသီးဟင်းရွက်နဲ့ သစ်သီးစားသုံးမယ့်အစား ဓာတုဓာတ်ပေါင်းတွေကို ဖန်တီးပြုလုပ်ထားတဲ့ ဗီတာမင်နဲ့ သတ္တုဓာတ်မျိုးစုံပါတဲ့ အားဆေးတွေ သောက်သုံးတာက ကင်ဆာဖြစ်ပွားမှုအပေါ် အကျိုးသက်ရောက်မှု မရှိဘူးလို့ ဆိုထားပါတယ်။ ရေမှာပျော်ဝင်တဲ့ အမျှင်ဓာတ်ကြွယ်ဝတဲ့ အစားအစာတွေက ကိုယ်တွင်းအင်္ဂါတွေ ရောင်ရမ်းခြင်းကို ကာကွယ်ပေးပါတယ်။ ဟင်းသီးဟင်းရွက်နဲ့ သစ်သီးတွေဟာ ရေမှာပျော်ဝင်တဲ့ အမျှင်ဓာတ် အမျိုးအစားဖြစ်တဲ့ ဆဲလူးလို့စ် ကြွယ်ဝစွာ ပါဝင်တာကြောင့် ကာကွယ်တားဆီးပေးနိုင်တာပါ။
လေဖြတ်ရောဂါ
ဆေးပညာရှင်တွေ ပြုလုပ်ခဲ့တဲ့ သုတေသနတွေအရ ဟင်းသီးဟင်းရွက်နဲ့ သစ်သီးများများ စားသုံးတာက လေဖြတ်တာကို ၂၅ ရာခိုင်နှုန်းထိ လျှော့ချပေးနိုင်တယ်လို့ ဆိုထားပါတယ်။
သွေးတိုးရောဂါ
လူပေါင်း ၄၅၉ ယောက်ကို သုတေသနပြုခဲ့ရာမှာ ဟင်းသီးဟင်းရွက်နဲ့ သစ်သီးစားသုံးသူ တွေဟာ သွေးပေါင်လျော့နည်းတာကြောင့် သွေးတိုးရောဂါ ဖြစ်နိုင်ခြေကို လျှော့ချနိုင် ကြောင်း တွေ့ရပါတယ်။
မွေးရာပါ ချို့ယွင်းချက်ပါခြင်း
ဖောလိတ်ဓာတ်က မွေးရာပါချို့ယွင်းချက်တွေ မဖြစ်အောင် ကာကွယ်ပေးနိုင်ပါတယ်။ လိမ္မော်သီး၊ ပန်းဂေါ်ဖီစိမ်း၊ ပဲအမျိုးမျိုးတို့မှာ ဖောလိတ်ဓာတ် ကြွယ်ဝစွာ ပါဝင်ပါတယ်။ ဟင်းသီးဟင်းရွက်နဲ့ သစ်သီးစားသုံးတဲ့ မိခင်တွေဟာ ဖောလိတ်ဓာတ် အပြည့်အဝ ရရှိတာကြောင့် မွေးရာပါချို့ယွင်းချက် မရှိတဲ့ ကလေးငယ်တွေ မွေးဖွားကြောင်း သိပ္ပံပညာရှင်တွေရဲ့ သုတေသနတွေက သက်သေပြခဲ့ပါတယ်။ ဆေးဝါးတွေ သောက်သုံးမယ့်အစား သင့်ကလေးငယ်အတွက် ဖောလိတ်ဓာတ် ကြွယ်ဝတဲ့ သီးနှံတွေ စားသုံးပေးတာက ပိုမိုသင့်တော်ပါတယ်။
ဆီးချိုသွေးချိုရောဂါ
အမျှင်ဓာတ်များတဲ့ သီးနှံတွေစားသုံးပြီး ဆီးချိုသွေးချိုရောဂါရှိသူတွေရဲ့ သွေးချိုဓာတ်ကို ထိန်းသိမ်းနိုင်ပါတယ်။ ရေမှာပျော်ဝင်တဲ့ အမျှင်ဓာတ်က အစာလမ်းကြောင်းက ဂလူးကို့စ်သကြားဓာတ် စုပ်ယူမှုကို ဟန့်တားပေးပါတယ်။
ပန်းနာရင်ကျပ်ခြင်းနှင့် အဆုတ်ရောင်ခြင်း
ပန်းနာရင်ကျပ်ရောဂါရှိတဲ့ ကလေးငယ်တွေဟာ တစ်နေ့သစ်သီးတစ်ကြိမ် စားပေးရုံနဲ့ အဆုတ်တွေရဲ့ လုပ်ဆောင်နိုင်စွမ်း တိုးတက်လာစေတယ်လို့ ဗြိတိန်သုတေသီတွေက တွေ့ရှိခဲ့ပါတယ်။ သစ်သီးနဲ့ ဟင်းသီးဟင်းရွက်တွေ များများစားသုံးမယ်ဆိုရင်တော့ အဆုတ်တွေရဲ့ အသက်ရှူသွင်း၊ ရှူထုတ် လုပ်ဆောင်ချက် ပိုမိုကောင်းမွန်စေပါတယ်။
အဝလွန်ခြင်း
သဘာဝအတိုင်း စိုက်ပျိုးထားတဲ့ ဟင်းသီးဟင်းရွက်နဲ့ သစ်သီးဝလံတွေ စားသုံးတာဟာ အဝလွန်တာမဖြစ်အောင် ကာကွယ်နိုင်သလို အဝလွန်နေသူတွေကိုလည်း အဝလွန်တာကနေ လျော့ကျစေနိုင်ပါတယ်။ အမျှင်ဓာတ်ကြွယ်ဝတဲ့ ဟင်းသီးဟင်းရွက်နဲ့ သစ်သီးစားသုံးပေးပါက ခန္ဓာကိုယ်အလေးချိန်ကို လျော့ကျစေပါတယ်။
