(က) ကျွန်တော်တို့ကျောင်း
ကျွန်တော်၏အမည်မှာ ခွန်ဝေးခိုဖြစ်ပါသည်။ ကျွန်တော်သည်တောင်ကြီးခရိုင်၊ဟိုပုံးမြို့နယ်၊ကျောက်တန်းကျေးရွာတွင်
နေထိုင်ပါသည်။ကျွန်တော်တို့ရွာသည် တောင်ကြီးနှင့်၃၂ မိုင်ဝေးပါသည်။တောင်ကြီးမှ ကျွန်တော်တို့ရွာသွားလျှင် တောင်ကြီး လွိုင်လင်ကားလမ်းအတုိင်း ၂၅မိုင် သွားရပါသည်။ ၂၅မိုင်သွားပြီးလျှင်ထမ်းဆမ်းရွာကိုတွေ့ရမည်။ ထမ်းဆမ်း
ရွာမှမြောက်ဘက်သို့ခုနစ်မိုင်ဆက်သွားလျှင် ကျောက်တန်းရွာသို့ရောက်ပါသည်။
တောင်ကြီးမှ ထမ်းဆမ်းအထိ ကတ္တရာလမ်းအတိုင်း မောင်းရသော်လည်းထမ်းဆမ်းမှကျွန်တော်တို့ရွာအထိ ခုနစ်မိုင်
လမ်းမှာကျောက်ခင်းလမ်းဖြစ်ပါသည်။ကျွန်တော်တို့နေထိုင်သည့်ကျောက်တန်းရွာ၏ပအိုင်းအမည်ရင်းမှာ“ လုံးရဲဉ်”ဖြစ်
ပါသည်။ “လုံး” မှာ ကျောက်ဟုအဓိပ္ပါယ်ရပြီး“ ရဲဉ်” မှာ “အစီအတန်း” ဟုအဓိပ္ပါယ်ရပါသည်။ လုံးရဲဉ်ဟုပအိုဝ်းအမည်ရင်း
ကိုခေါ်ရာမှ နောင်တွင်မြန်မာလို“ကျောက်တန်း” ဟုတွင်သွားပါသည်။ ကျောက်တန်းဟုခေါ်ရခြင်းမှာ ရွာ၏မြောက်ဘက်
တွင်ကျောက်များတန်းလျက်ရှိသည်ကိုအစွဲပြု၍ခေါ်ကြောင်းဖြင့်လူကြီးမိဘများကိုမေးမြန်းသိရပါသည်။ရွာ၏မြောက်ဘက်
တွင်လည်းကျောက်တုံးများစီတန်းလျက်ရှိသည်ကို ယနေ့တိုင်တွေ့ရပါသည်။ ကျွန်တော်တို့ကျောက်တန်းရွာကို သန်လျင်
ကျောက်တန်းနှင့်မှားတတ်ကြောင်းဖြင့်လူကြီးများပြောသည်ကိုကြားဖူးရပါသည်။တခါကအောက်မြန်မာပြည်မှ ဆရာတစ်ယောက်သည် ကျွန်တော်တို့ကျောက်တန်းရွာတွင်အမူထမ်းပါသည်။ဆရာ၏မိတ်ဆွေတစ်ယောက်ကစာထည့်ရာတွင် မြို့နယ်အမည်ကိုမထည့်ပဲ ကျောက်တန်းဟုရေးသဖြင့်စာမှာသန်လျင်ကျောက်တန်းသို့ရောက်သွားကြောင်းမှတ်သားရ
ဖူးပါသည်။ ဤမျှလောက်ဆိုလျှင်ကျွန်တော်၏ရွာအကြောင်းကိုကျွန်တော်၏ညီနောင်သွေးချင်းများသိလောက်ပါပြီ။
သြော်ကျွန်တော့်ရွာ၏လုပ်ငန်းကိုင်ငန်းအကြောင်းကိုပြောပြဖို့ကျန်ပါသေးသည်။ ကျွန်တော်တို့ရွာသည်ဆေးလိပ်လုပ်ငန်း
၏ အဓိကကုန်ကြမ်းဖြစ်သော သနပ်ဖက်ကိုစိုက်ပျိုးထုတ်လုပ်ကြပါသည်။သနပ်ဖက်သည် ၀င်ငွေအသင့်အတင့်ကောင်းသ
ဖြင့် ကျွန်တော်တို့ရွာသည် စီးပွါးရေးအားဖြင့်ဖွံ့ဖြိုးသည်ဟုဆိုရပါသည်။ စီးပွါးရေးဖွံ့ဖြိုးသဖြင့်ကျွန်တော်တို့ရွာ၏ အစိုးရအ
လယ်တန်းကျောင်းကိုတွဲဘက်အထက်တန်းကျောင်းအဖြစ် ရွာကငွေကုန်ကြေးကျခံကာဖွင့်လှစ်လျက်ရှိပါသည်။
ကျွန်တော်သည်စတုတ္ထတန်းကျောင်းသားဖြစ်ပါသည်။အကယ်၍ကျွန်တော် စတုတ္ထတန်းအောင်မြင်ပါက ကျွန်တော်တို့ရွာ
ကျောင်း၌ပင်အထက်တန်းကျောင်းပညာကိုဆက်လက်သင်ယူနိုင်ပါသည်။ကျွန်တော်တို့ကျောင်း၏ ကျောင်းအုပ်ဆရာကြီး
အမည်မှာ ဦးခွန်တင်မောင်ဝေဖြစ်ပါသည်။ ပအိုဝ်း ကရင်ကပြားဖြစ်ပါသည်။
ဆရာကြီးသည် ပအိုဝ်းသွေးပါသဖြင့် ပအိုင်းတိုင်းရင်းသားတို့ပညာရေးဖွံ့ဖြိုးအောင်ဆောင်ရွက်ရာ၌ စိတ်အားထက်သန်
လှပါသည်။ဆရာကြီးသည်ကျောင်းကော်မတီနှင့် ပူးပေါင်းညှိနှိုင်းဆောင်ရွက်သဖြင့်ကျောင်း၏သတင်းမှာ ရှမ်းပြည်နယ်တောင်ပိုင်းတွင် ကျော်စောလျက်ရှိပါသည်။နှစ်စဉ်ပင်အခြေခံပညာအထက်တန်း၌အောင်ချက်ကောင်းလျက်ရှိပါသည်။
အခြေခံပညာအထက်တန်း၌အောင်ချက်ကောင်းသဖြင့်အခြားမြို့ရွာများမှ ကျွန်တော်တို့ရွာသို့ကျောင်းလာနေကြပါသည်။
ထို့ကြောင့်ဘော်ဒါဆောင်ကိုဖွင့်ထားရပါသည်။ ယခုဆိုလျှင်အမျိုးသားဘော်ဒါဆောင်၊အမျိုးသမီးဘော်ဒါဆောင်ဟူ၍
ဖွင့်ထားရပါသည်။ နှစ်စဉ်ဘော်ဒါနေကျောင်းသူကျောင်းသား(၁၀၀)ကျော်ရှိပါသည်။
ကျွန်တော်တို့ကျောင်းမှာမြို့ကြီးပြကြီးနှင့်ဝေးနေသော်လည်းကျွန်တော်တို့ကျောင်းတွင်လာရောက်ပညာသင်ကြားသူတိုင်း
ပျော်ကြပါသည်။ဘော်ဒါဆောင်တွင်နေသူများသည်ကျောင်းပိတ်ရက်တွင်ထင်းရှာကြရပါသည်။ဘော်ဒါဆောင်အတွက်
ရေကိုလည်းကျောင်းအနီးရှိရေကန်တွင်အလှည့်ကျခပ်ရပါသည်။ညနေတွင်ဘောလုံးလိုလိုဘော်ဒါဆောင်နှင့်ကျောင်းတွင်
ရောက်နေတတ်ပါသည်။ ဘော်ဒါဆောင်တွင် နေသူများသည် ည ခုနစ်နာရီတွင်ကျောင်းသားတခန်း၊ကျောင်းသူတခန်းစာ
ကျက်ရပါသည်။ဘော်ဒါဆောင်ဆရာ၊ဆရာမ များကလည်း ည ၁၀နာရီအထိအလှည့်ကျစောင့်ပေးပါသည်။အခြေခံပညာ
အထက်တန်းကျောင်းသူကျောင်းသားများအတွက် စာမေးပွဲနီးလျှင်နီးသလိုအချိန်ပိုစာသင်ပေးပါသည်။ ထို့ကြောင့်
ကျွန်တော်တို့ကျောင်းသည်မြို့ကြီးများမှ ကျောင်းသူကျောင်းသားများလို ကျူရှင်မယူရပဲနှင့်စာမေးပွဲအောင်ကြပါသည်။
ဆရာ၊ဆရာမများ၏စုပေါင်းကြိုးစားမူ၊ကျောင်းသူကျောင်းသားများ၏တာဝန်သိမူကြောင့်အောင်မြင်မူရရှိနေခြင်းဖြစ်ပါသည်။
ယခုဆိုလျှင် ကျွန်တော်တို့ကျောက်တန်းကျောင်းတွင်ရန်ကုန်မှကျောင်းသားနှစ်ယောက်၊ရှမ်းပြည်မြောက်ပိုင်းမှပလောင်
ကျောင်းသားသုံးယောက်၊ဘော်ဆိုင်းမှ ဓနုကျောင်းသားလေးယောက်၊အင်းလေးမှ ကျောင်းသားကျောင်းသူများ၊လားဟူ
ကျောင်းသူနှစ်ယောက်၊ကရင်နှင့်ကချင်ကျောင်းသားကျောင်းသူနှစ်ယောက်၊ရှမ်း ကျောင်းသူကျောင်းသား ၁၀ယောက်နှင့်ဒေသခံ ပအိုဝ်းကျောင်းသူကျောင်းသားများဖြင့် တိုင်းရင်းသားလူမျိုးတော်တော်စုံအောင်ပညာသင်ကြားနေကြပါသည်။
ဆရာကြီးသည် ပညာလိုလားသောမည်သည့်ဒေသမှမည်သည့်လူမျိုးမဆို လက်ခံကြိုဆိုနေပါသည်။
ကျွန်တော်တို့ကျောင်းသည်ပြည်ထောင်စုကျောင်းလေးသဖွယ်ဖြစ်နေပါသည်။ကျွန်တော်တို့ကျောင်း၏အောင်မြင်မူမှာ ဆရာ၊ဆရာမများ၏စည်းလုံးညီညွတ်မူကြောင့်လည်းဖြစ်ပါသည်။စည်းလုံးညီညာအောင်ကြောင်းဖြာဟုဆရာကြီးမကြာ
ခဏဆိုဆုံးမသကဲ့သို့စည်းလုံးညီညွတ်ခြင်း၏အကျိုးကိုကျွန်တော်နားလည်လိုက်ပါသည်။
ဆောင်းရာသီမို့တော်တော်အေးပါသည်။ယနေ့သည် ဖေဖော်ဝါရီ ၁၂ရက်ပြည်ထောင်စုနေ့ဖြစ်သဖြင့် ကျွန်တော်တို့
ကျောင်းတွင်ပြည်ထောင်စုနေ့အခမ်းအနားကျင်းပပါသည်။ ကျောင်းပိတ်ရက်ပင်ဖြစ်သော်လည်း ဆရာကြီးက ပြည်ထောင်စုနေ့ဟောပြောပွဲကျင်းပမည်ဟုမနေ့က ကြေငြာထားသဖြင့် ကျွန်တော်တို့ကျောင်းသူကျောင်းသားများစုဝေးရောက်ရှိနေကြပါ
ပြီ။ ခေါင်းလောင်းထိုးသည်နှင့်ကျောင်းသူ၊ကျောင်းသားများကျောင်းရှေ့တွင် စုဝေးတန်းစီကြပါသည်။ ဆရာ၊ဆရာမများ
လည်းနေရာယူကြပါသည်။ထို့နောက်နိုင်ငံတော်အလံနှင့်ကျဆုံးလေပြီးသောအာဇာနည်ခေါင်းဆောင်ကြီးများကိုအလေးပြု
ကြပါသည်။နိုင်ငံတော်သီချင်းကိုလည်းညီညီညာညာဆိုကြပါသည်။ပြီးလျှင်မြက်ခင်းပေါ်တွင်အားလုံးထိုင်ကြပါသည်။ပထမ
ဆုံးဆရာကြီးက ဆုံးမသြ၀ါဒစကားနှင့်ပြည်ထောင်စုနေ့အကြောင်းအကျဉ်းကိုပြောသွားပါသည်။ ဆရာကြီးက “ဒီနေ့ ပြည်
ထောင်စုနေ့ဟောပြောပွဲတွင် မိမိတို့ကျောင်းမှ ဆရာဦးခွန်ဝင်းက ပအိုဝ်းတိုင်းရင်းသားများအကြောင်းကိုဟောပြောမည်”
ဖြစ်ကြောင်းဖြင့်ပြောသွားပါသည်။ ဆရာကြီးထိုင်သည်နှင့် ဆရာဦးခွန်ဝင်းက စတင်ဟောပြောပါသည်။“ ပြည်ထောင်စုနေ့အကြောင်းကိုဆရာကြီးက မင်းတို့ကိုဟောပြောသွားပါပြီ၊ပြည်ထောင်စုနေ့နဲ့ ပတ်သက်လို့လဲ တပည့်တို့ဖတ်စာတွေထဲ
မှာ ဖတ်ရှုလေ့လာမှတ်သားခဲ့ကြပြီးပြီလို့ယုံကြည်ပါတယ်…. “ ဒီနေ့ ဆရာဟောပြောမှာက ဆရာ တက္ကသိုလ်ကျောင်း
သားဘ၀တုန်းက ဖတ်ရှုလေ့လာ မှတ်သားခဲ့ဖူးတဲ့ ပအိုဝ်း တိုင်းရင်းသားအကြောင်းပဲဖြစ်ပါတယ်။”
ဆရာဦးခွန်ဝင်းသည်ကျွန်တော်တို့ကျောင်းတွင် မူလတန်းပြကျောင်းဆရာဖြစ်ပါသည်။ ပအိုဝ်းတိုင်းရင်းသား လူမျိုးပင်
ဖြစ်ပါသည်။ကျွန်တော်တို့စတုတ္ထတန်း၏အတန်းပိုင် ဆရာလည်းဖြစ်ပါသည်။ ဆရာသည်စာသင်အပြကောင်းလှပါသည်။
ကျွန်တော်တို့ဗဟုသုတဖြစ်စေမည့်အကြောင်းအရာများကိုလည်းစာသင်ယင်းကြားညှပ်ပြောပြသွားတတ်ပါသည်။ ယခုလည်း ဆရာဦးခွန်ဝင်းသည် ပအိုင်းတိုင်းရင်းသားလူမျိုးအကြောင်းကိုစိတ်ဝင်စားဖွယ်ဟောပြောပါသည်။
“ ဆရာတို့ကျောင်းမှာ တိုင်းရင်းသားလူမျိုးတွေတော်တော်စုံတယ်။ ကရင်ရှိတယ်၊လားဟူရှိတယ်၊ပလောင်ရှိတယ်၊အင်းသား
ရှိတယ်၊ဗမာရှိတယ်၊ရှမ်းရှိတယ်၊ဓနုရှိတယ်၊ပအိုဝ်းရှိတယ်။ ဆရာတွေထဲမှာလည်းလူမျိူးတော်တော်စုံတယ်။ဒါပေမယ့်
ဆရာတို့ဟာတမြေထဲနေတရေထဲသောက် တိုင်းရင်းသားလူမျိုးတွေဖြစ်ကြပေမယ့်တစ်ယောက်အကြောင်းကိုတစ်ယောက်
မသိကြဘူး။တိုင်းရင်းသားလူမျိုးပေါင်းစုံတွေထဲက အခြားတိုင်းရင်းသားလူမျိုးအကြောင်းကိုလူသိများကြပေမယ့် ပအိုဝ်း
တိုင်းရင်းသားလူမျိုးအကြောင်းကိုလူသိအင်မတန်နည်းတယ်။ ဒီလိုဖြစ်ရတာကလဲ ပအိုဝ်းလူမျိုးအကြောင်းကိုရေးသား
ဖော်ထုတ်သူနည်းလို့ပါပဲ………“ ပအိုဝ်းတိုင်းရင်းသားတွေဟာ အောက်မြန်မာပြည်နဲ့ ရှမ်းပြည်နယ်မှာပျံ့နှံ့နေထိုင်လျက်
ရှိကြပါတယ်။ ရှမ်းပြည်နယ်မှာဆိုယင် ဒုတိယအများဆုံးနေထိုင်တဲ့လူမျိုးဖြစ်ပါတယ်။ အထူးသဖြင့် ဆရာတို့ရှမ်းပြည်
တောင်ပိုင်းမှာ အများဆုံးနေထိုင်ကြပါတယ်။ အောက်မြန်မာပြည်မှာဆိုယင် သထုံခရိုင်၊ပဲခူးခရိုင်၊တောင်ငူခရိုင်၊ဘားအံ
ခရိုင်၊ကော့ကရိတ်ခရိုင်တွေမှာလဲ ပျံ့နှံ့နေထိုင်ကြပါတယ်။ အောက်မြန်မာပြည်မှာ နေထိုင်ကြတဲ့ ပအိုဝ်းတွေဟာ ပအိုဝ်းတိုင်းရင်းသားဝတ်စုံကိုဝတ်ဆင်လေ့မရှိကြပါဘူး……
“သမိုင်းပညာရှင်များရဲ့အယူအဆအရဆိုယင် တောင်သူလို့ခေါ်တဲ့ ပအိုဝ်းတိုင်းရင်းသားတွေဟာထိုင်းတရုတ်အုပ်စုက
ဆင်းသက်လာတယ်လို့ဆိုပါတယ်။ ဆရာကျောင်းသားဘ၀တုန်းက သင်ခဲ့ရဖူးတဲ့ဦးဘသန်းကျောင်းသုံးမြန်မာရာဇ၀င်
၊စာမျက်နှာ ၂၃ မှာ ဘယ်လိုရေးထားသလဲဆိုတော့ ဆာဂွန်ဂျာဒင်းအလိုမှာမွန်လူမျိုးတို့မြို့ပြတည်ထောင်ရန်အတွက်
တောင်သူလူမျိုးတို့ကို နှင်ထုတ်ရသည်ဟုဆိုသည်။ သထုံမြို့ကား ယခုအခါ တောင်သူလူမျိုးတို့၏အချက်အချာဒေသ
ဖြစ်သည်။သထုံရာဇ၀င်တွင် သထုံ၌ တောင်သူပအိုဝ်းလူမျိုးမင်းများစိုးစံကြောင်းနှင့်ဆိုသည်။ တောင်သူလူမျိုးတို့သည်
ရှေးကပုဂံနယ်၊ ယခုက ပခုက္ကူအပါအ၀င်ယောနယ်တွင်လည်းရှိကြသည်ဟု ရေးသားဖော်ပြထားတာကို ဆရာဖတ်ခဲ့
ရဖူးပါတယ်။ ဒါ့ကြောင့်ဆာဂျွန်ဂျာဒင်းရဲ့အယူအဆကိုလက်ခံယင် တောင်သူခေါ်ပအိုဝ်းလူမျိုးတွေဟာ မွန်လူမျိုးတွေ
ထက်စောပြီး ၀င်ရောက်လာတယ်လို့ယူဆဖွယ်ရာဖြစ်ပါတယ်……….
“မျက်နှာဖြူပညာရှင် ဆာဂျေဂျော့စကော့ကတော့ကရင်၊ပအိုဝ်း၊ရှမ်းတွေဟာ တမျိုးတနွယ်တည်းလို့ဆိုပါတယ်။
ဆရာကြီးဦးဖေမောင်တင်ရဲ့ဘာသာလောကကျမ်း၊စာမျက်နှာ ၁၃မှာ တောင်တန်းကရင်တွေအနက် တောင်သူတွေဟာဦးရေအများဆုံးဖြစ်ပြီး မိမိတို့ကိုပအိုဝ်းလို့ခေါ်ပြီးတော့ ရှမ်းပြည်တောင်ပိုင်းနဲ့ သထုံစီရင်စုမှာများစွာနေထိုင်လျက်ရှိကြောင်းရေးသားထားပါတယ်။……….
ဒေါက်တာသန်းထွန်းရဲ့ ခေတ်ဟောင်းမြန်မာရာဇ၀င်မှာ၊ပုဂံကျောက်စာတွေမှာ ကရင်နွယ်လို့ယူဆဆိုတဲ့အမည်ကို
တွေ့ရကြောင်းနဲ့ ကျောက်စာတစ်ခုမှာကဂျင်တန်မီပြောက်လို့မြန်မာတိုင်းရင်းကျောက်စာ စာအုပ်၃၊ဓါတ်ပုံ၃၀၉၊စာကြောင်း
၃၄မှာတွေ့ရပါတယ်လို့ဆိုပါတယ်။ တဆက်တည်းမှာပဲ တောင်တန်ကရင်မှာဦးရေအများဆုံးက တောင်သူဖြစ်ပြီးတော့ပအိုဝ်းအမည်ခံကာ ရှမ်းပြည်တောင်ပိုင်းနဲ့ သထုံခရိုင်မှာ အများအပြား နေထိုင်ကြတယ်လို့ရေးသားထားပါတယ်……
“ ပုဂံကျောက်စာတွေမှာလဲ တောင်သူလူမျိုးဆိုတဲ့အရေးအသားကိုတွေ့ရပါတယ်။ ပုဂံမြို့မင်းနန်သူရွာမှာရှိတဲ့လေးမျက်
နှာဘုရားတံတိုင်းတွင်းမှာကျောက်စာရှိတယ်။အဲဒီကျောက်စာကိုသက္ကရာဇ် ၅၈၅ ခုမှာရေးထိုးခဲ့ပါတယ်။အဲဒီကျောက်စာမှာ
ပါတဲ့ကျွန်စာရင်းတွေထဲမှာစာကြောင်းရေ၄၃မှာ “ပအိုဝ်းအိုးထိန်း”ဆိုပြီးတော့တွေ့ရပါတယ်။ ဒါကြောင့်မို့ ပအိုဝ်းလူမျိုးဟာသက္ကရာဇ ၅၈၅ ခုကတည်းကရှိနေပြီဆိုတာ သိရပါတယ်။ တိုင်းရင်းသားပေါင်းစုံပုဂံပြည်ကိုတည်ထောင်ရာမှာ ပအိုဝ်းတွေလဲပါခဲ့တယ်ဆိုတာသိနိုင်ပါတယ်။”
ဆရာဦးခွန်ဝင်း ဟောပြောနေသည်ကို အချို့ကျောင်းသူကျောင်းသားများက စာရွက်တွင်မှတ်သားနေသည်ကိုတွေ့
ရပါသည်။ကျောင်းသူကျောင်းသားများကလည်းစိတ်ဝင်စားစွာနားထောင်ကြပါသည်။ ဆရာခွန်ဝင်းက ဆက်၍ဟော
ပြောပြန်သည်။“ ပအိုဝ်းလူမျိုးဆင်းသက်လာပုံဒဏ္ဍာရီကိုပါ ဆရာပြောပြဦးမယ်။နားထောင်ကြပါဦး….
“ ပအိုဝ်းတိုင်းရင်းသားတွေရဲ့မူလဇာတိဟာ မြန်မာနိုင်ငံတောင်ပိုင်းသထုံခရိုင်ဖြစ်တယ်။ ပအိုဝ်းလူမျိုးတွေဟာမိမိကိုယ်
ကိုနဂါးနဲ့ဝိဇ္ဇာမျိုးက ပေါက်ဖွားလာတယ်လို့ ယုံကြည်ကြတယ်။မိခင်ဟာနဂါးမ၊ဖခင်ဟာဝိဇ္ဇာဇော်ဂျီလို့ယုံကြည်ကြတယ်။
ခပ်တိုတိုပြောရယင်တော့မြတ်စွာဘုရားမပွင့်ခင်က အခု မြသပိတ်တောင်ခြေမှာ ရဟန္တာတွေသီတင်းသုံးတော်မူခဲ့ကြ
တယ်။ အဲဒီဒေသနဲ့မနီးမဝေးမှာရှိတဲ့ရေအိုင်မှာနဂါးတွေပျော်နေကြတယ်လို့ဆိုပါတယ်။ တနေ့တော့ နဂါးမင်းရဲ့သမီးတော်
ကခမည်းတော်နဂါးမင်းကြီးကိုတောင်ခြေမှာ သီတင်းသုံးနေတဲ့ရဟန္တာတွေကိုဖူးမျှော်ချင်ပါတယ်ဆိုပြီးတော့ ခွင့်တောင်းတယ်။ နဂါးမင်းကြီးကလဲ အစတော့ခွင့်မပြုဘူး။နောက်တော့သမီးတော် ပူဆာလွန်းတာနဲ့ခွင့်ပြုလိုက်တယ်……..
“ နဂါးမင်းသမီးဟာ လူယောင်ဆောင်ပြီးရဟန္တာတွေကိုဖူးမျှော်တယ်။ နဂါးပြည်ကိုပြန်မယ့်ဆဲဆဲမှာ ၀ိဇ္ဇာဇော်ဂျီနဲ့တွေ့ပြီး
တော့ချစ်ကြိုက်ရာက ပေါင်းသင်းခဲ့ကြတယ်။ နဂါးမင်းသမီးဟာ ကိုယ်ဝန်ရှိလာတယ်။ကိုယ်ဝန်လစေ့တော့ ဥနှစ်လုံးဥခဲ့တယ်။ အဲဒီဥနှစ်လုံးကိုရသေ့တပါးထံအပ်နှံပြီးနဂါးပြည်ကိုပြန်သွားတယ်……..
ရသေ့ကြီးကြည့်ရှုစောင့်ရှောက်ထားတဲ့ဥကြီးနှစ်လုံးကနေပြီးတော့ ယောက်ျားတစ်ယောက်နဲ့မိန်းမတစ်ယောက်ဖွားမြင်လာကြတယ်။အဲဒီယောက်ျားနဲ့မိန်းမဟာ သုဝဏ္ဍာဘူမိ သထုာံပြည်ကို အုပ်စိုးတဲ့ဘုရင်နဲ့မိဖုရားဖြစ်လာတယ်။ အဲဒီ
အချိန်ကစပြီး ပအိုဝ်းလူမျိုးပေါ်လာခဲ့တယ်။သထုံပြည်ကိုအနော်ရထာမင်း တိုက်ခိုက်အောင်မြင်တဲ့အခါ မိမိတို့ဟာထီးနန်းလဲဆုံးပြီ၊သာသနာလဲကွယ်ပြီ၊အားကိုးရာမဲ့ကြပြီဆိုပြီးတော့သထုံကနေပြီး တော့မြန်မာပြည်အထက်ပိုင်းကိုသာသနာသက္ကရာဇ် ၁၆၀၆ ခုကောဇာသက္ကရာဇ် ၄၂၄ ခုနှစ်မှာပြောင်းရွှေ့လာခဲ့ကြတယ်။ရှမ်းပြည်ကိုရောက်တော့
ဆီဆိုင်မြို့ဟာမြေသြဇာကောင်းတဲ့အတွက်မင်းမျိုးမင်းနွယ်တွေထဲကခွန်မောင်သာနဲ့ခွန်မောင်နိုင် ဦးစီးပြီးတော့ နေထိုင်ခဲ့ကြတယ်။ ပအိုဝ်းတိုင်းရင်းသားဆင်းသက်လာပုံဒဏ္ဍာရီလေးကတော့ ဒါပါပဲ”
ကျွန်တော်တို့သည် ပအိုဝ်းလူမျိုးအကြောင်း ဒဏ္ဍာရီလေးကိုပါစိတ်ဝင်စားစွာနားထောင်နေကြပါသည်။ ဆရာဦးခွန်ဝင်းသည်အချိန်တနာရီနီးပါးဟောပြောနေသည်မို့ နာရီကိုကြည့်နေပါသည်။ “ကဲ့ ဆရာနိဂုံးချူပ်ပါတော့မယ်။ ပအိုဝ်းတိုင်းရင်းတွေဟာသူတို့ကို တောင်သူလို့ခေါ်တာထက် “ပအိုဝ်း”လို့ခေါ်တာကိုကြိုက်တယ်။လူတိုင်းဟာ တိုင်းရင်သားလူ
မျိုးတွေရဲ့ သမိုင်း၊ယဉ်ကျေးမူ၊ဓလေ့ထုံးစံတွေကိုသိထားဖို့လိုတယ်။ သိထားမှလဲပိုမိုခင်မင်ရင်းနှီးပြီးတော့ သွေးစည်းညီညွတ်လာမယ်။အဲဒါကြောင့်ခုလိုပြည်ထောင်စုနေ့မှာ ဆရာတက္ကသိုလ်ကျောင်းသားဘ၀တုန်းကလေ့လာမှတ်သား
ခဲ့ရတဲ့ ညီနောင်သွေးချင်း ပအိုဝ်းလူမျိုးအကြောင်းတွေကိုအကျဉ်းချုပ်ဖောက်သယ်ချလိုက်ပါတယ်”
ဆရာဦးခွန်ဝင်း ဟောပြောပြီးသွားတော့ကျွန်တော်တို့ကျောင်းသူကျောင်းသားများလက်ခုပ်တီးကြပါသည်။ကျောင်းသူ
ကျောင်းသားများလည်းဝမ်းသာရွှင်မြူးနေကြပါသည်။ကျွန်တော်ကိုယ်၌ကလည်း ဆရာဦးခွန်ဝင်းပြောပြသောညီနောင်သွေးချင်း ပအိုဝ်းတိုင်းရင်းသားအကြောင်းကိုသေချာစွာမှတ်သားထားပါမည်။တနေ့နေ့တချိန်ချိန်တွင်ကျွန်တော်၏ညီအကို
ညီနောင်သွေးချင်းများနှင့်တွေ့ရသောအခါသူတို့ကို ကျွန်တော်ပြန်လည်ပြောပြမည်ဟု ဂတိပြုလိုက်ပါသည်။
(ခ) ခွန်ရယ် နန်းရယ်
ကျွန်တော်တို့ စတုတ္ထတန်း ကျောင်းသူကျောင်းသားတို့သည်ဖေဖော်ဝါရီလတွင် အတန်းတင်စာမေးပွဲကျင်းပကြပါသည်။
သည်နေ့ကျွန်တော်တို့အတွက်စာမေးပွဲနောက်ဆုံးနေ့ဖြစ်ပါသည်။ကျွန်တော်သည်စာမေးပွဲဖြေပြီးသော်လည်း အိမ်သို့မပြန်
သေးပါ။ကျောင်းဝင်းထဲ၌ပင်သူငယ်ချင်းများနှင့် ကစားနေပါသည်။ ကျွန်တော်သည်ကစားယင်းပျင်းလာသဖြင့် အခြေခံပညာအထက်တန်းကျောင်းသားများဖြစ်ကြသည့်အယ်ကျော်ရွှေ၊ပျည်းလှတင်၊စိုင်းခမ်းလှိုင်၊ခွန်ထီးတို့နှင့် အခြားကျောင်းသားလေးယောက်တို့ဝိုင်းဖွဲ့စကားပြောနေရာသို့ရောက်သွားပါသည်။ ကျွန်တော်သည်ဘေးမှနေ၍
နားထောင်နေမိပါသညါ။ သူတို့ပြောစကားကိုနားထောင်သောအခါ သူတို့သည်ခွန်ထီးအား ပအိုဝ်းတို့နာမည်မှည့်ခေါ်ပုံ
အကြောင်းကိုမေးနေကြောင်းသိရပါသည်။ပျည်းလှတင်မှာပလောင်ကျောင်းသားဖြစ်ပြီး စိုင်းခမ်းလှိုင်မှာရှမ်း၊
အယ်ကျော်ရွှေမှာအင်းသား၊ခွန်ထီးမှာ ပအိုဝ်းဖြစ်ပါသည်။ သူတို့သည်ခွန်ထီးအား ပအုိဝ်းတို့ နာမည်မှည့်ခေါ်ပုံကို
မေးနေကြပါသည်။ “ ငါတော့ကုန်အောင်မသိဘူးကွ၊ယောက်ျားအမည်ရှေ့မှာ “ခွန်”ထည့်ခေါ်တာရယ်၊မိန်းမတွေနာမည်
ရှေ့မှာ“နန်း”ထည့်ခေါ်တာရယ်ဒါပဲသိတယ်။ဘာပြုလို့ဒီလိုခေါ်တယ်ဆိုတာ ငါမသိဘူး”
ဟုတ်ပါသည်။ခွန်ထီးသေသေချာချာမသိပါ။သက်ကြီးရွယ်အိုတွေကိုမေးကြည့်တော့လည်းမဖြေနိုင်ကြပါ။ထိုအခိုက်
ဆရာဦးခွန်ဝင်းသည်အဖြေစာရွက်များကိုကိုင်၍သူတို့ဆီ လျှောက်လာနေပါသည်။ “ဟာ အတော်ပဲဆရာ ဒီကောင်တွေ
ကျွန်တော်ကိုမင်းတို့လူမျိုးတွေနာမည်ရှေ့မှာ ယောက်ျားဆိုယင် ဘာပြုလို့”ခွန်”ထည့်သလဲ၊မိန်းမဆိုယင် ဘာပြုလို့”နန်း”
ထည့်ခေါ်သလဲလို့ မေးတယ်။ကျွန်တော်မပြောပြတတ်ဘူးဆရာ၊အဲဒါဆရာကူညီပြီး ပြောပြပေးပါဦး။
ဟုတ်တယ်ဆရာ၊ကျွန်တော်တို့ကိုပြောပြပါ” ဆရာဦးခွန်ဝင်းကို တွေ့သည်နှင့်ခွန်ထီးက လမ်း၍အကူအညီတောင်းလိုက်
ပါသည်။ သူ့အမေးကိုလည်းကျန်လူများဖြစ်သည့်ပျင်းလှတင်၊စိုင်းခမ်းလှိုင်၊အယ်ကျော်ရွှေတို့ကတညီတညွတ်တည်း
ထောက်ခံကြပါသည်။
“ အေး…..မင်းတို့ကသိချင်တယ်ဆိုလဲ ပြောရတာပေါ့ကွာ” ဆရာဦးခွန်ဝင်း သည်ပြောပြောဆိုဆိုပင်ကျွန်တော်တို့
အနီးတွင်ဝင်ထိုင်လုိက်ပါသည်။“ နာမည်မှည့်ခေါ်တဲ့ဓလေ့ကတော့ ကမ္ဘာပေါ်မှာရှိတဲ့ လူမျိုးတိုင်းလိုလိုရှိတယ်ကွ။
နာမည်ကိုကြည့်တာနဲ့ဘာလူမျိုးလို့ပြောနိုင်တယ်။လူမျိုးအလိုက်နာမည်မှည့်ခေါ်ကြသလိုတချို့လည်းမျိုးနွယ်လိုက်မှည့်
ခေါ်ကြတယ်။ရုရှားလူမျိုးဆိုယင် သူတို့ရဲ့နာမည်ရှေ့မှာ “နော့ဗ်” ကိုထည့်ကြတယ်။ပန်ချာပီလူမျိုးဆိုယင် “ဆင်း”ကို
ထည့်ကြတယ်။တရုတ်လူမျိုးဆိုယင် မျိုးနွယ်အလိုက်ခေါ်ကြတယ်။“တန်”မျိုးနွယ်ဆိုယင်လဲ “တန်”ပါလေ့ရှိတယ်။
“ချန်” မျိုးနွယ်ဆိုယင် “ချန်”ပါလေ့ရှိပါတယ်။ဒါကြောင့်နာမည်ကိုကြည့်ယင်ဘယ်နုိင်ငံသားဆိုတာခန့်မှန်းသိရှိနိုင်တယ်”
ဆရာဦးခွန်ဝင်းသည်ကျွန်တော်တို့ကစာအုပ်ထဲတွင်မှတ်သားနေသည်ကိုတွေ့သဖြင့်ဖြည်းဖြည်းချင်းပင် ပြောပြနေပါသည်။
“ အေး မင်းတို့ဒီလို ဗဟုသုတရှာတတ်တာကိုဆရာချီးကျူးတယ်။ တို့ပြည်ထောင်စုသားချင်းအကြောင်းကိုပိုသိဖို့လိုတာပေါ့။
ဒါမှ တစ်ယောက်အကြောင်းကိုတစ်ယောက်သိတော့တစ်ယောက်နဲ့တစ်ယောက်ပိုစည်းလုံးညီညွတ်ကြတာပေါ့။ ကဲ ဆရာ
ဆက်ပြောပြမယ်” ဆရာဦးခွန်ဝင်းသည်ကျွန်တော်တို့မှတ်သားနေသည်ကိုတွေ့တော့ပြောရန်ပိုအားရှိနေဟန်တူပါသည်။
အခြားကျောင်းသူကျောင်းသားလေးငါးယောက်လည်းကျွန်တော်တို့ဘေးတွင်လာထိုင်ကာနားထောင်နေကြပါသည်။
ကျွန်တော်တို့သည် ပအိုဝ်းတိုင်းရင်းသားလူမျုိးဖြစ်လျက်နှင့် ပအိုဝ်းလူမျိုးအကြောင်းကိုမသိပါ။အခြေခံပညာအထက်တန်း
ကျောင်းသားဘ၀ရောက်နေသောခွန်ထီးတို့ပင်မသိပါ။ အချို့လူကြီးများပင်မသိကြပါ။ကျွန်တော်တို့သင်ယူကြသောကျောင်း
စာအုပ်များတွင်လည်းမဖတ်ဖူးခဲ့ပါ။ ဆရာဦးခွန်ဝင်းသည်သေသေချာချာစဉ်းစား၍စေ့စုံအောင်ကြိုးစားပြောပြနေပါသည်။
“ တို့မြန်မာ လူမျိုးတွေရဲ့  နာမည်ရှေ့မှာကျတော့မင်းတို့သိတဲ့အတိုင်းပဲ ယောက်ျားလေးဆိုယင် ပထမအရွယ်မှာ“မောင်”
ကိုထည့်ခေါ်တယ်။ဒုတိယအရွယ်မှာဆိုယင်“ကို”၊တတိယအရွယ်ဆိုယင် “ဦး”ကိုထည့်ခေါ်ကြတယ်။ မိန်းမတွေကျတော့
ငယ်စဉ်အခါမှာ“မ”ကိုထည့်ခေါ်တယ်။ကြီးလာတော့“ဒေါ်”ကိုထည့်ခေါ်တယ်။ ခုခေတ်မှာတော့“မောင်”တွေ“မ”တွေ
ကိုထည့်ခေါ်လေ့မရှိတော့ပဲ နာမည်သုံးလေးနဲ့ခေါ်ကြတာကိုမင်းတို့အသိပဲ” ဟုတ်ပါသည်။ ယခုခေတ်ကျောင်းသူ
ကျောင်းသားလေးများသည်နာမည်ဆန်းဆန်းဖြင့်သုံးလေးလုံး ခေါ်ကြသည်ကို ဆရာဦးခွန်ဝင်းပြောမှပင် သတိထားမိ
ကြပါသည်။ “တို့ပြည်ထောင်စု တိုင်းရင်းသားလူမျိုးတွေမှာလဲစိတ်ဝင်စားဖွယ်ကောင်းတဲ့နာမည်မှည့်ခေါ်တဲ့ဓလေ့ရှိတယ်။
ဥပမာ-ဆလိုင်းချင်းတွေဆိုယင် သူတို့ရဲ့နာမည်ရှေ့မှာ“ ဆလိုင်း”ကိုထည့်လေ့ရှိတယ်။စကောကရင်တွေဆိုယင် သူတို့ရဲ့
နာမည်ရှေ့မှာ“စော”ကိုထည့်တယ်။ပိုးကရင်ကျတော့“စပ်”ကိုထည့်တယ်။ အသက်ကြီးလာတော့“မန်း”ကိုပြောင်းခေါ်တယ်။
ဒါက ဆရာသိရှိမှတ်သားရသလောက်ပါ…..“ ကိုင်း ဒီတခါပအိုဝ်းနာမည်မှည့်ခေါ်ပုံကိုဆက်ပြောပြမယ်။ ခွန်ထီး မင်းသေသေချာချာမှတ်ထား။ မင်းတို့က ပအိုဝ်းလူမျိုးဖြစ်ပြီးတော့ ကိုယ့်လူမျိုးအကြောင်း ကိုယ်မသိဘူး။ပအိုဝ်းလူမျိုးတွေ
ကတော့မွေးလာတဲ့ကလေးကိုနာမည်မှည့်တဲ့အခါ အဘိုးအဘွားမိဘဖြစ်စေ၊သက်ကြီးရွယ်အိုကဖြစ်စေ၊ဆွေမျိုးသားချင်းက
ဖြစ်စေ။ဘုန်းတော်ကြီးကဖြစ်စေ မွေးဖွားတဲ့နေ့နံကိုလိုက်ပြီးတော့မှည့်ခေါ်ကြတယ်….
“ဓနုလူမျိုးမှာယောက်ျားလေးရဲ့နာမည်ကိုမသိယင် “အောင်နီ”မိန်းခလေးရဲ့နာမည်ကိုမသိယင်“မိနီ” လိုခေါ်ကြသလိုပဲ၊
ပအိုဝ်းလူမျိုးတွေမှာလဲအသက်ငယ်သူယောက်ျားလေးကိုဖြစ်စေ၊လူလတ်ကိုဖြစစေ“မောင်၊မောင်ပေ”လို့ခေါ်ကြတယ်။
“မောင်”ကဗမာလို “မောင်ရင်”လို့အဓိပ္ပါယ်ရတယ်။“မောင်ပေ”ကတော့လူလေးအဓိပ္ပါယ်ရတယ်။ မိန်းခလေးကျတော့
“မူ”မူပေ”လို့ခေါ်ကြ.တယ်။“မူ”က ဗမာလို မိန်းခလေး၊ “မူပေ”က ဗမာလို“ခလေးမ”လို့အဓိပ္ပါယ်ရတယ်။
ကျွန်တော်တို့ဝိုင်းသို့ကျောင်းသူကျောင်းသားများတစ်ယောက်စ၊နှစ်ယောက်စလာ၍နားထောင်ကြပါသည်။ နားထောင်
နေသူများကလည်းစိတ်ဝင်စားစွာနားထောင်နေကြပါသည်။ “တော့ရွာမှာနေထိုင်ကြတဲ့တချို့ကျတော့ ယောက်ျားလေးရဲ့
နာမည်ရှေ့မှာ“တ”ကိုထည့်ခေါ်ကြတယ်။ ဥပမာ“တတီး” “တက္လို” တကိုး၊တလုံး၊ပေါ့ကွ။မိန်းခလေးတွေကျတော့“မီ”
ကိုထည့်ခေါ်တယ်။ ဥပမာ “မီဘောင်၊မီဟွံ၊မီမြ၊မီဗို”ပေါ့ကွာ။တနည်းအားဖြင့်အိမ်မှာခေါ်တဲ့နာမည်လို့ပြောနိုင်တယ်ကွ….
“ရွာမှာနေတုန်းကတော့ကိုယ့်လူမျိုးအချင်းချင်းမို့နာမည်ခေါ်လို့လွယ်ပေမယ့် တခြားလူမျိုးတွေခေါ်ဖို့ခက်တယ်ကွာ။
တခါကဆရာတို့ရွာက ရွာသားတစ်ယောက်နဲ့တောင်ကြီုးမြို့မှာထီထိုးကြတယ်။ဆရာ့နာမည်ကိုတော့ထီဆိုင်က ရေးလို့
လွယ်တယ်။သူကသူ့နာမည်ကို ပအိုဝ်းလိုပြောတော့ ထီစာရေးက မရေးတတ်ဘူးပေါ့ကွာ။ သူ့ကိုရေးခိုင်းတော့လဲ သူက
စာမတတ်ဆိုတော့ဆရာပဲရေးပေးလိုက်ရတယ်။ဒါ့ကြောင့်ခွန်ထီးကိုစကားစပ်လို့ ဆရာပြောပြရဦးမယ်။ မင်းတို့ ပအိုဝ်းလူ
မျိုးတွေဟာစာမတတ်သူတွေများနေတယ်ကွ။အဲဒါ မင်းတို့ပညာတတ်လာတဲ့တနေ့ကျယင် သူတို့ကိုစာပြန်သင်ပေးဖို့မမေ့နဲ့။
ခုလဲ ဆရာ ညအချိန်မှာရွာသားတွေကိုစာသင်ပေးဖို့စီစဉ်နေတယ်။ဒီက ပျည်းလှတင်တို့ အယ်ကျော်ရွှေတို့ကော အားလုံးပေါ့ကွာ။ ကိုယ့်တိုင်းရင်းသားလူမျုိးအချင်းချင်းလူမျိုးမခွဲခြားပဲ စာသင်ပေးသင့်တယ်။မကြာခင် တို့တောင်ပေါ်
ဒေသကိုလဲ အသုံးလုံးကြေစခန်း ဖွင့်လှစ်လိမ့်မယ်လို့မျှော်လင့်ရတယ်။ ဒါကစကားစပ်လို့ဆရာပြောရတာ”
ဟုတ်ပါသည်။ ဆရာဦးခွန်ဝင်းပြောသလိုပင် ကျွန်တော်တို့ ပအိုဝ်းလူမျိုးမှာစာတတ်သူဦးရေနည်းလှပါသည်။ထို့ကြောင့်
ကျွန်တော်ပင်ပညာတတ်အောင်ကြိုးစားပြီးတနေ့ကျလျှင်ရွာပြန်ကာစာသင်ပေးမည်ဟုဆုံးဖြတ်လိုက်မိပါသည်။
“အဲဒါက မင်းတို့စာထဲမမှတ်လဲရတယ်။ ခေါင်းထဲမှတ်ထားပေါ့ကွာ။ကဲဆရာဆက်ပြောပြမယ်……
“ပအိုဝ်းကနေပြီးတော့ ဗမာနာမည်ကိုပြောင်းခေါ်တဲ့အခါနာမည်ရှေ့မှာခွန်ထည့်တာကိုမင်းတို့သိမှာပဲ။ ဆရာ့နာမည်ရှေ့မှာဆိုလဲခွန်ပါတယ်။ဥပမာအားဖြင့် ခွန်ဝေးခို၊ခွန်ခန်ထို၊ခွန်စိန်ဝင်းစသည်ဖြင့်ပေါ့ကွာ။အမျိုးသမီးတွေနာမည်ရှေ့မှာ
တော့“နာင်(နန်း)ကိုထည့်တယ်။ဥပမာအားဖြင့် နန်းမုံ၊နန်းခံဗိုစသည်ဖြင့်ပေါ့ကွာ။“န်” သတ်“နန်း”နော်၊“မ်”သတ် နမ်းမဟုတ်
ဘူး။သတ်ပုံမှားယင်အဓိပ္ပါယ်လွဲသွားနိုင်တယ်။”ကျွန်တော်တို့သည်ဆရာဦးခွန်ဝင်း၏သတ်ပုံမှားတတ်သည့်အပြောကြောင့်
ပြုံးလိုက်မိကြပါသည်။
“ ဒါနဲ့ဆရာ၊ကျွန်တော်တို့ရှမ်းလူမျိုးတွေမှာ “ခွန်”ထည့်ခေါ်တဲ့လူကြီးတွေကို တွေ့ဖူးတယ်။ဘာကြောင့်လဲဆရာ ”
စိုင်းခမ်းလှိုင်က ဆရာဦးခွန်ဝင်းကိုဖြတ်မေးလိုက်ပါသည်။“ အေးဟုတ်တယ်။ မင်းမေးလို့တော်သေးတယ်။ ဆရာလဲပြောဖို့
မေ့နေတယ်။ဒီလိုကွ။ ပဒေသရာဇ်ခေတ်မှာ “ခွန်”ဝေါဟာရကိုမူးမတ်အရာရှိနယ်ပိုင် ရားထူးရာခံရှိသူရဲ့ရှေ့မှာထည့်ခေါ်
ကြတယ်။တို့ပအိုဝ်းမှာကျတော့“ခွန်”ဆိုတာ မြင့်မြတ်တဲ့အမျိုးအနွယ်က ပေါက်ဖွားဆင်းသက်လာသူ၊ဇွဲသတ္တိရှိသူ၊ယောက်ျားပီသသူ ဆိုပြီးတော့ဂုဏ်ယူတဲ့သဘောနဲ့ခေါ်တာ။“နန်း”ကိုရှမ်းလူမျိုးကလဲထည့်ခေါ်တယ်။တို့ပအိုဝ်းနန်းက မြင့်မြတ်သူ၊နူးညံ့သိမ်မွေ့သူ၊က္ကနြေ္နရှိသူတည်ငြိမ်သူလို့အဓိပ္ပါယ်ဆောင်တယ်။တူသလိုနဲ့မတူဘူးပေါ့ကွာ”
ကျွန်တော်သည် ဆရာဦးခွန်ဝင်းကုိချီးကျူးမိပါသည်။ကျွန်တော်တို့ကိုစေ့စေ့စုံစုံပြောပြနေပါသည်။အခြေခံပညာအထက်
တန်းကျောင်းသူကျောင်းသားများဖြစ်ကြသည့်ခွန်ထီး၊ပျည်းလှတင်၊စိုင်းခမ်းလှိုင်၊အယ်ကျော်ရွှေတို့ကလည်းသေသေချာချာမှတ်သားနေပါသည်။နောက်မှရောက်လာသည့်ကျောင်းသူကျောင်းသားများပင်မှတ်သားနေကြပါသည်။
“ ကဲ့ခွန်ရယ် နန်းရယ် အကြောင်းပြီးယင်တခြားမင်းတို့သိသင့်တဲ့နာမည်မှည့်ခေါ်ပုံကိုလဲပြောပြဦးမယ်။မင်းတို့လဲသေသေ
ချာချာမှတ်သားနေတာတွေ့တော့ဆရာလဲပိုပြောချင်တယ်ကွ”
“မင်းတို့ပအိုဝ်းရွာတွေကိုသွားယင်နာမည်ရှေ့မှာ“ထွက်”ထည့်ခေါ်တာကိုကြားလိမ့်မယ်။ဥပမာ ထွက်ယော်၊ထွက်သော်
စသည့်ဖြင့်ပေါ့ကွာ။ဒီလိုခေါ်ယင်ဒီလူဟာရဟန်းဘ၀ကထွက်လာတာပဲလို့သိနိုင်တယ်။ဒါပေမယ့်လူပျိုကာလသားကိုလဲ
”ထွက်”လို့ခေါ်ကြတယ်။တထစ်ချမှတ်လို့တော့မရပေါ့ကွာ” “ လူကြီးကိုတချို့က“ကျောင်ား၊စာင်ဖာ” ခေါ်တာကကောဆရာ” ခွန်ထီးသည်ပအိုဝ်းလူမျုိးပင်ဖြစ်သော်လည်းသူမသိသည်ကများနေသဖြင့်သိလိုသည်ကိုမေးနေပြန်ပါသည်။
“တို့ပအိုဝ်းလူမျိုးတွေကဗုဒ္ဓဘာသာကိုသိပ်ယုံကြည်တာကွ။အလှူအတန်းဆိုထိပ်ပဲ။ဒါကြောင့်“တမူးရလို့တပဲလှူ တို့ရှမ်း
တောင်သူ တူနိုင်းရိုးလား” လို့တောင်စာဆိုရှိတယ်မဟုတ်လား။တောင်သူဆိုတာပအိုဝ်းကိုပြောတာပဲကွ။
ကျောင်းကာဆိုတာကျောင်းလှူဖူးသူကိုခေါ်တာ။တကျောင်းလုံးတော့မဟုတ်ဘူးပေါ့ကွ။ကျောင်းရဲ့အစိတ်အပိုင်းတချို့
ပေါ့။“စာင်ဖာ”ကတော့ပဉ္စင်းတကာ ခံဖူးသူလို့အဓိပ္ပါယ်ရတယ်။မိန်းမတွေကိုကျတော့လဲကျောင်းလှူဖူးယင်“မဲကျောင်”
ပဉ္စင်းတကာခံဖူးယင်“စာင်မိုး”လို့ခေါ်တယ်….“နောက်တစ်ခုပြောရဦးမယ် ၊ပအိုဝ်းတွေဟာ ဗုဒ္ဓဘာသာတွေပီပီကြီးသူကို
ရိုသေလေးစားရတဲ့ရွာသူကြီးကိုခေါ်တဲ့အခါမှာရွာသူကြီးလို့လဲမခေါ်ဘူး။နာမည်အရင်းကိုလဲမခေါ်ဘူး။ “ဖြားဒုံ”လို့ခေါ်တယ်။
“ဖြာဒုံ”ဆိုတာကရွာကလေးစားအားကိုးယုံကြည်ရသူ၊ရွာသခင်၊ရွာကိုစောင့်ရှောက်သူလို့အဓိပ္ပါယ်ရတယ်။ရွာသူကြီးထက်
ပိုပြီးတော့သြဇာရှိသူလူအများကယုံကြည်လေးစားရသူ၊ဂုဏ်သရေရှိသူကိုတော့“ဖြာတန်း”လို့ခေါ်တယ်………
“ကဲ နောက်ဆုံးနာမည်မှည့်ခေါ်ပုံတခုပြောမယ်။အဲဒါကတော့ပအိုဝ်းတွေမှာ အကြီးဆုံးသားသမီးရဲ့နာမည်ကို မိဘရဲ့နာမည်
ရှေ့မှာထည့်ခေါ်တဲ့ဓလေ့ပါပဲ။ဥပမာအကြီးဆုံးသားဟာတပျိုလို့ခေါ်မယ်။ ဖခင်နာမည်ကဦးထွန်းလို့ခေါ်ယင် သားကြီးနာမည်ကို“ပျိုဖါ” ဒါမှမဟုတ် ပျိုဖါထွန်း” လို့ခေါ်ကြတယ်။“တပျိုတို့အဖေ”လို့အဓိပ္ပါယ်ရတယ်။အကြီးဆုံးဟာသမီး
ဖြစ်မယ်။နာမည်ကလဲ “နန်းပျို”ဆိုယင်“ပျိုမိုး”နန်းပျိုရဲ့အမေလို့ခေါ်ကြတယ်……
“ကဲ မေးဖို့ကျန်သေးလားခွန်ထီး။အထူးသဖြင့်မင်းကအရေးကြီးတယ်။ရွာမှာအခြေခံပညာအထက်တန်းကျောင်းသားလဲ
ဖြစ်တော့မင်းကပိုသိဖို့လိုတယ်” “မရှိတော့ဘူး ထင်ပါတယ်ဆရာ”
ခွန်ထီးသည်ဆရာဦးခွန်ဝင်း၏အမေးကိုဖြေလိုက်ပါသည်။“အေး ဆရာပဲစုံအောင်ပြောပြလိုက်တာပဲ။ဒီတော့အင်းသားဖြစ်တဲ့
အယ်ကျော်ရွှေရော၊ပလောင်လူမျိုးဖြစ်တဲ့ပျည်းလှတင်ရော၊ရှမ်းလူမျိုးဖြစ်တဲ့စိုင်းခမ်းလှိုင်ရော၊ပအိုဝ်းလူမျိုးဖြစ်တဲ့ခွန်ထီးရော၊
လာနားထောင်ကြတဲ့သည့်ပြင်ကျောင်းသူတွေရောပေါ့ကွာ၊ဆရာပြောပြတာတွေကိုသေသေချာချာမှတ်ထားကြပေါ့”
ဆရာဦးခွန်ဝင်းသည်ထိုင်ရာမှထလိုက်ပါသည်။ညောင်းသွားပုံလည်းရပါသည်။ကျွန်တော်သည်ဆရာ ဦးခွန်ဝင်းပြောပြသည့်
ပအိုဝ်းနာမည်မှည့်ပုံ “ခွန်”အကြောင်း၊နန်း”အကြောင်းကိုမှတ်သားထားရန်ခွန်ထီးထံမှ မှတ်သားထားသည်ကို ကူးယူရဦးမည်။သို့မှလည်းအခြားတိုင်းရင်းသားလူမျိုးသူငယ်ချင်းများနှင့်ကျွန်တော်တွေ့သည့်အခါ သူတို့မေးမြန်းချက်ကို ဖြေနိုင်မည်ဖြစ်ပါသည်။
