ဂေါက် သို့မဟုတ် ဒူလာရောဂါ ဆိုတာဘာလဲ
ဂေါက် သို့မဟုတ် ဒူလာရောဂါ ဆိုတာ အဆစ်အမြစ် ရောင်ရောဂါတွေ ထဲက တစ်မျိုးဖြစ်ပါတယ်။ အမျိုးသမီး တွေထက် အမျိုးသားတွေ ပိုအဖြစ်များ ပါတယ်။ ခန္ဓာကိုယ်က အဆစ်တစ်ခုခု ရုတ်တရက် ပူလောင်သလို နာကျင်လာခြင်း၊ တောင့်တင်းလာခြင်း၊ ရောင်ရမ်း လာခြင်းတွေနဲ့ အစပျိုး ဖြစ်တတ်ပါတယ်။ များသောအားဖြင့် ခြေမအဆစ် မှာ စဖြစ်လေ့ရှိပါတယ်။ ဒါပေမဲ့ လက် အပါအဝင် တစ်ကိုယ်လုံးက အဆစ်တွေ မှာလည်း ခံစားရနိုင်ပါတယ်။
ဒီရောဂါက ခန္ဓာကိုယ်ရဲ့ဇီဝရုပ် ဖြစ်ပျက်မှုဖောက်ပြန်လို့ ဖြစ်တဲ့ရောဂါ (Metabolic Disease)၊ ပျက်စီးချို့ယွင်း သွားစေသောရောဂါ (Degenerative Disease) တစ်ခုဖြစ်လို့ မကုဘဲနေရင် ပိုပိုဆိုးလာတတ်တဲ့ သဘာဝ ရှိပါတယ်။ ကာလကြာလာတာနဲ့အမျှ အဆစ်တွေ၊ အရွတ်တွေ၊ တစ်သျှူးတွေ ပျက်စီးလာ မှာ အသေအချာပါပဲ။
အကြောင်းရင်းတွေက ဘာတွေလဲ
သွေးထဲမှာ ယူရစ်အက်ဆစ်ပမာဏ မြင့်တက်လာလို့ ဖြစ်ရတာပါ။ တော်ရုံ မြင့်ရုံနဲ့တော့ ဂေါက်မဖြစ်ပါဘူး။ အဆ မတန်များလွန်းလို့သာ မာကျောလှတဲ့ ယူရစ်အက်ဆစ် ပုံဆောင်ခဲ (Uric Acid Crystals) တွေ ဖြစ်လာရတာပါ။ အဝလွန် ခြင်း၊ အရက်အလွန် အကျွံသောက်ခြင်း၊ နေ့စဉ်ပုံမှန် အသားများများစားခြင်းတွေ နဲ့ တိုက်ရိုက်ဆက်စပ်ပါတယ်။ အသား စားကြူးတယ်ဆိုတာကို စားသမျှအစား ရဲ့ ငါးပုံနှစ်ပုံဟာ အသားဖြစ်နေခြင်းလို့ အကြမ်းဖျင်း ယူဆနိုင်ပါတယ်။ အသားချင်းတူရင်တောင် Sea Food လို့ခေါ်တဲ့ ပင်လယ်စာ အမျိုးမျိုးဟာ ဂေါက်ကို အထူးဖြစ်စေ၊ ထကြွစေတယ်ဆိုတာ လေ့လာတွေ့ရှိ အတည်ပြုပြီး ဖြစ်ပါတယ်။ သွေး တိုးရောဂါရှိလို့ Thiazides အမျိုးအစား ဆီးချဆေးတွေ စွဲသောက်နေရသူများမှာ လည်း ဖြစ်တတ်ပါတယ်။
(ဒါပေမဲ့ ယနေ့ မြန်မာဆေးလောကမှာ ဆီးဆေးပေးရင် Thiazides အမျိုးအစားတွေ ရှောင်ပေးတာ၊ အသုံးမပြုသလောက် နည်းသွားတာ တွေ့ရပါတယ်) မျိုးရိုးလိုက်ခြင်းဟာလည်း အတော် အသင့်ဖြစ်စေတတ်တဲ့ အကြောင်းတရား တစ်ခုပါ။ လေ့လာစစ်တမ်းကောက်ယူမှု များအရ ဂေါက်ရောဂါရှိသူ အားလုံးရဲ့ ၁၈ ရာခိုင်နှုန်းဟာ မိသားစု ရောဂါ ရာဇဝင်ရှိဖူးသူတွေ ဖြစ်ကြပါတယ်။ ခဲဆိပ်သင့်စေနိုင်တဲ့အလုပ် နေ့စဉ်လုပ် သူတွေ (ဥပမာ-စနစ်တကျ အကာအကွယ် ဝတ်ဆင်မထားတဲ့ ဘက်ထရီ စက်ရုံလုပ်သားတွေ၊ ခဲပါဝင်မှုမြင့်မား တဲ့ ရေသောက်သုံးသူတွေ) ဟာ ဂေါက်ရောဂါဖြစ်ဖို့ အရမ်းနီးစပ်ပါတယ်။
ရောဂါလက္ခဏာတွေက ဘာတွေလဲ
ဂေါက် ခေါ် ဒူလာရောဂါရဲ့အဖြစ် အများဆုံးနဲ့ အထင်ရှားဆုံး လက္ခဏာ တစ်ခုကတော့ ခြေမအဆစ် နီရဲရောင်ရမ်းပြီး စူးရှစွာ နာကျင်လာခြင်းပဲ ဖြစ်ပါတယ်။ အထူးသဖြင့် တစ်နေ့တာ လှုပ်ရှားမှုတွေ ရပ်ဆိုင်းလိုက်တဲ့ ညဘက်မှာ ပိုဖြစ်လေ့ရှိပါတယ်။ ခြေမအဆစ်က အများဆုံး စဖြစ်တယ်ဆိုပေမယ့် ခြေကျင်းဝတ်၊ ဒူးခေါင်းနေရာတွေမှာလည်း အထက်က ပြောခဲ့တဲ့ နာကျင်မှုမျိုး ခံစား ရနိုင်ပါတယ်။ ဒီလိုနာကျင်မှုဟာ သုံးလေးရက်ကနေ တစ်ပတ်နှစ်ပတ်အထိ ကြာနေနိုင်ပြီး သူ့အလိုလို ပျောက်သွားကာလနဲ့ ချီပြီး ပြန်မဖြစ်ဘဲလည်း ဖြစ်နိုင်တဲ့အတွက် ဆေးခန်းသွားရမှာ ပျင်းသော အမျိုးသား များအနေနဲ့ ဒီရောဂါအပေါ်မှာ အထူး ဂရုစိုက် မကုသမိတတ်ကြပါဘူး။
ဒီတော့ အထူးသတိပေးချင်တာဟာ အထက်က ပြောခဲ့တဲ့ နာကျင်မှုမျိုး သင် တစ်ကြိမ် စခံစားရပြီ ဆိုတာနဲ့ ဆေးခန်းသွားပါ။ ဆရာဝန်နဲ့ တိုင်ပင်ပါ။ ဒီလိုမဟုတ်ရင် သင့်ရဲ့ ယူရစ်အက်ဆစ် မြင့်တက်လာမှု ဟာ အချိန်နဲ့အမျှ ပိုမိုလာမှာမို့ သင့်ရဲ့ ဂေါက်ရောဂါဟာ ဆက်လက်တိုးတက် ဖြစ်ပွားလာပြီး အဆစ်တွေ ပျက်စီးကုန် မှာ ဖြစ်ပါတယ်။ (ဒီနေရာမှာ အလေး အနက်ထားပြီး ပြောချင်တာက အမျိုးသား ပဲဖြစ်ဖြစ်၊ အမျိုးသမီးပဲဖြစ်ဖြစ် ထိခိုက် ဒဏ်ရာကြောင့် မဟုတ်ဘဲ ခန္ဓာကိုယ်ရဲ့ အဆစ်တစ်နေရာရာက ကိုက်ခဲ ရောင်ရမ်း လာရင် ဆရာဝန်နဲ့ သွားရောက်ပြသပြီး လိုအပ်တဲ့ စစ်ဆေးမှုတွေ ပြုလုပ်ကာ ရောဂါအဆင့် ဆက်မတက်အောင် ထိန်းသိမ်းကုသသင့်ပါတယ်။ ဘာလို့လဲ ဆိုတော့ ဒါဟာ လေးဖက်နာအမျိုးမျိုး ထဲက တစ်ခုခု ဖြစ်နိုင်တာမို့ပါ)
ဂေါက်ရောဂါဖြစ်ကြောင်း ဘယ်လို အတည်ပြုမလဲ
ဆရာဝန်က သင့်ရဲ့ နာကျင်မှု အနေအထားအကြောင်း အသေးစိတ်မေးပြီး လိုအပ်တဲ့ စမ်းသပ်မှုတွေ လုပ်ပါလိမ့်မယ်။ သွေးဖောက်ပြီး သွေးတွင်း ယူရစ်အက်ဆစ်ပမာဏ တိုင်းတာပါလိမ့်မယ်။ လိုအပ်ရင် အဆစ်ထဲက ခြင်ဆီရည် (Synovial Fluid) ဖောက်ပြီး ယူရစ် အက်ဆစ်ပုံဆောင်ခဲလေးများ ရှိ၊ မရှိ ရှာရပါမယ်၊ ဓာတ်မှန်ရိုက်ရပါမယ်။ ဒါတွေလုပ်ပြီးရင် သင့်ရဲ့ ရောဂါ အခြေအနေကို ဂဃနဏ သိရှိနိုင်ပါပြီ။ ဂေါက်ရောဂါ ရှိနေတယ်ဆိုပြီး ဘာမှ စိုးရိမ်ထိတ်လန့်သွားစရာ၊ စိတ်ဓာတ်ကျ စရာလည်း မလိုပါဘူး။ အစားအသောက် ဆင်ခြင်ပြီးနေရင် ဘာမှမဖြစ်သလို ဘဝ တစ်လျှောက်လုံး နေထိုင်နိုင်သွားပါလိမ့်မယ်။ ရှောင်ရမယ့် အစားအသောက် တွေကို အကြမ်းဖျင်းပြောရရင် ဥအနှစ် အမျိုးမျိုး၊ ငါးဥ၊ မျှစ်၊ မှို၊ တွင်းအောင်း သတ္တဝါသား၊ ပင်လယ်စာနဲ့ အနီရောင် အသားများ၊ ကလီစာများ၊ ပေါင်မုန့်၊ ခရမ်းချဉ်သီး၊ အာလူး၊ ခရမ်းသီး၊ အချို မှုန့်နဲ့ ဘီယာတို့ ဖြစ်ပါတယ်။
ဘယ်လိုကုသမလဲ
လတ်တလော ထကြွနာကျင်နေတဲ့ ဂေါက်ရောဂါကို သက်သာအောင်တော့ ဆရာဝန်က သင့်ကို စတီးရွိုက် အပါအဝင် ဆေးတွေ ပေးပါလိမ့်မယ်။ ဝေဒနာတွေ လျော့လာတာနဲ့အမျှ သောက် ရတဲ့ဆေးပမာဏလည်း လျော့ကျသွား ပါတယ်။ နာကျင်ရောင်ရမ်းမှု အားလုံး ဟာ ၂၄ နာရီအတွင်း လျော့ပါးပျောက် ကင်းနိုင်ပါတယ်။ မြန်မြန်သက်သာချင်ရင်တော့ အဲဒီ ရောင်ရမ်းနာကျင်နေတဲ့ အဆစ်ကို အနားယူပေးဖို့ လိုအပ်ပါတယ်။ အကိုက် အခဲပျောက်ဆေးထဲမှာ အက်စပရင် (Aspirin) ကလွဲလို့ အဆင်ပြေရာ အကိုက်အခဲ ပျောက်ဆေးသောက်ထားလို့ ရပါတယ်။ အက်စပရင်က ယူရစ်အက်ဆစ် ကို တက်စေတာမို့ ရှောင်ကြဉ်ရပါမယ်။ ဒါပေမဲ့ အက်စပရင်က ဒီနေ့ဒီအချိန်မှာ အကိုက်အခဲ ပျောက်ဆေးအနေနဲ့ ခေတ် မရှိတော့ပါဘူး။ (Aspilet ဆိုတဲ့ နာမည် နဲ့ သွေးခဲမပိတ်ဆေးအနေနဲ့ပဲ ရှိပါတော့ တယ်)
ဘယ်လို ကာကွယ်မလဲ
ယူရစ်အက်ဆစ်ပမာဏတက်ခြင်း ကို ကာကွယ်ပေးဖို့ သင့်ရဲ့ဆရာဝန်က သင့်ကို ဆေးတွေ ပေးပါလိမ့်မယ်။ ညွှန်ကြားတဲ့အတိုင်း အတိအကျသောက်ဖို့ မဖြစ်မနေ လိုအပ်ပါတယ်။ ဆေးတွေ သောက်နေပေမယ့်လည်း သင်ဟာ ဆရာဝန်ပြောတဲ့အတိုင်း အစားအသောက် ဆင်ခြင်ဖို့ လိုအပ်ပါတယ်။ သင်ခိုင်းသမျှ တာဝန်ကျေခဲ့၊ တာဝန်ကျေ နေဆဲ အဆစ်လေးတွေကို သနားပါ။ အဝ မလွန်အောင်လည်း ထိန်းသိမ်းသင့်ပါတယ်။ အရက်၊ ဘီယာ အလွန်အကျွံသောက်ရင် သေချာပေါက် ဂေါက်ဖြစ်မှာမို့ ထိန်းသိမ်း ဆင်ခြင်ပါ။
ကာကွယ်ချင်ရင် ပုံမှန် သောက်သူ အမျိုးသားများအနေနဲ့ တတ်နိုင်ရင် အသက် ၃၅ နှစ်ကျော်တာနဲ့ သွေးတွင်း ယူရစ်အက်ဆစ်ပမာဏ တိုင်းတာကြည့်သင့်ပါတယ်။ အဝမလွန် အောင်လည်း ထိန်းသိမ်းပါ။ သွေးတိုး ဖြစ်ရင် ဂေါက်လည်း လိုက်ဖြစ်လာတတ်တာမို့ သွေးတိုးရောဂါကိုပါ ကာကွယ်ပါ။ အရည်ရွှမ်းတဲ့ သီးနှံများဟာ (အထူးသဖြင့် စတော်ဘယ်ရီသီး၊ ချယ်ရီ သီးများဟာ ဂေါက်ရောဂါကို မထကြွအောင် ထိန်းပေးနိုင်တဲ့ အာနိသင်ရှိကြောင်း လေ့လာတွေ့ရှိထားပါတယ်) ဂေါက်ရောဂါကို တစ်ဖက်တစ်လမ်းက ထိရောက်စွာ ကာကွယ်ပေးနိုင်တာမို့ အထက်ကပြောခဲ့တဲ့ အစားအသောက်တွေ တတ်နိုင်သမျှ ရှောင်ကြဉ်ပေးပြီး ရေ နဲ့ သဘာဝ သစ်သီးဖျော်ရည်တွေ နေ့စဉ် များများသောက်ပေးပါ။ ဒါဆို ရောဂါ ရှိပြီးသားဆိုရင်လည်း ဂေါက်ရောဂါဟာ သင့်ဆီမှာ ပေါ်မနေတော့ဘဲ ပျောက်ကွယ်နေပြီး စိတ်ချမ်းသာ ကိုယ်ကျန်းမာနေနိုင် ပါလိမ့်မယ်။ မရှိသေးတဲ့သူတွေလည်း ကာကွယ်ပြီးသား ဖြစ်သွားပါမယ်။
ရိုးရာလေးမှကူးယူပါသည်။
